ဆီးလမ်းကြောင်းပိုးဝင်ခြင်း(Urinary Tract Infection)
ဆီးလမ်းကြောင်းပိုးဝင်တယ်ဆိုတာလူ့ခန္ဓာကိုယ်မှာ ရှိတဲ့ ကျောက်ကပ် ၊ ဆီးပြွန်များ ၊ဆီးအိတ် နှင့် ဆီးစွန့်ပစ်ပြွန် တို့မှာ ဘက်တီးရီးယားပိုး ပေါက်ဖွားတဲ့အခါဖြစ်တဲ့ရောဂါဖြစ်ပါတယ်။အပေါ်ပိုင်းနှင့် အောက်ပိုင်း ဆီးလမ်းကြောင်းပိုးဝင်ခြင်းဆိုပြီးနှစ်မျိုးရှိပေမယ့် အများအားဖြင့် အောက်ပိုင်းနှင့်သက်ဆိုင်တဲ့ဆီးအိတ်နှင့် ဆီးစွန့်ပစ်ပြွန်ရောင်ရမ်းခြင်း ရောဂါတွေအဖြစ်များလေ့ရှိပါတယ်။ အမျိုးသမီးတွေဟာ အမျိုးသားတွေထက် ဆီးလမ်းကြောင်း အတိုင်းအတာပိုတို တဲ့အတွက် ပိုးဝင်လွယ်တတ်ပါတယ်။ဆီးအိတ် နေရာမှာ ပိုးဝင် ရောင်ရမ်းတာမျိုးဖြစ်ရင် နာကျင်တာ ကိုပဲခံစားရပေမယ့် အပေါ်ပိုင်း ဖြစ်တဲ့ ကျောက်ကပ်ဘက်ကို ရောက်သွား အခါ မှာတော့ အန္တရာယ်ရှိနိုင်ပါတယ်။👩⚕️
❗️ဆီးပိုးဝင်ခြင်းရဲ့ရောဂါလက္ခဏာများ❗️
🔴 ဆီးမကြာခဏသွားချင်တာ
🔴 ဆီးသွားစဉ် ပူပြီး နာတာ၊ ကျဉ်တာ
🔴 ဆီးသွားချင်စိတ်ရှိပေမယ့် နည်းနည်းပဲသွားတာ
🔴 ဆီးအနည် ပါလာတာ
🔴 ဆီးထဲ သွေး ပါလာတာ
🔴 အနံ့ကပုံမှန်ထက်ပြင်းတာ
🔴 ခါးနာ ခါးကိုက် ဖြစ်ပြီး တင်ပါးရိုးတဝိုက်အောင့်တာ မျိုးတွေဖြစ်တတ်ပါတယ်။
❗️ဆီးပိုးဝင်ရတဲ့အကြောင်းအရင်းများ❗️
🔴ဆီးအိတ် ရောင်ရမ်းခြင်း(cystitis)
Bladder လို့ခေါ်တဲ့ ဆီးအိတ်ရောင်ခြင်းမှာ အစာအိမ်အူလမ်းကြောင်း တလျှောက် မှာ တွေ ့ရတတ်တဲ့ Escherichia coli (Ecoli) ကြောင့် အဖြစ်များပေမယ့် အခြား ဘက်တီးရီးယားပိုးတွေလည်းရှိနိုင်ပါတယ်။💁♀️
🔴 ဆီးစွန့်ပစ်ပြွန်ရောင်ခြင်း( urethritis)
အမျိုးသမီးတွေရဲ့ ခန္ဓာဗေဒ အရ ဆီးသွားတဲ့ နေရာနှင့် စအို ရဲ့ နေရာကနီးတာရယ် ၊ နောက်တချက်က ဆီးအိတ်နှင့် ဆီးစွန့်ပစ်ပြွန် အဝက လမ်းကြောင်းတိုတာရယ်ကြောင့် ဖြစ်ဖို့ရာခိုင်နှုန်းပိုများတဲ့အတွက် အမျိုးသမီးများနှင့်သက်ဆိုင်တဲ့ရောဂါတွေကိုပိုတွေ့ရပါလိမ့်မယ်။ မိန်းမကိုယ်နှင့်လည်း နီးတဲ့အတွက် herpes, gonorrhea,, chlamydia နှင့် mycoplasma ကဲ့သို့ လိင်မှတဆင့်ကူးစက်တဲ့ ရောဂါတွေကြောင့်လည်း ရောင်ရမ်းတာမျိုးဖြစ်တတ်ပါတယ်။👩⚕️
❗️အခြားအကြောင်းအရာများကြောင့်လည်း ဆီးပိုးဝင်တာဖြစ်တတ်ပါတယ်။❗️
🔴 Sexual activity များတဲ့ အမျိုးသမီးတွေမှာ တယောက်ထက်ပိုတဲ့ ပါတနာ အမျိုးသားတွေ ရှိတတ်တဲ့အတွက် ဆီးပိုးဝင်နိုင်ခြေများပါတယ်။
🔴 Diaphragm လို့ခေါ်တဲ့ အမျိုးသမီး သားဆက်ခြားနည်း ပစ္စည်းကိုအသုံးပြုတဲ့အမျိုးသမီးတွေဟာ လည်း ဆီးပိုးဝင် တတ်ကြပါတယ်။
🔴 သွေးဆုံးပြီးတဲ့အခါ အီစထရိုဂျင် ဟော်မုန်း နည်းသွားတဲ့အတွက် ဆီးလမ်းကြောင်းမှာ အပြောင်းအလဲတွေဖြစ်လာပြီး ပိုးဝင်နိုင်ခြေကို မြင့်တက်စေပါတယ်။
🔴 ဆီးလမ်းကြောင်းမူမမှန်တဲ့ ကလေးတွေမှာ အပြင်ကိုဆီးမစွန့်ထုတ်နိုင်တဲ့အတွက်ဆီးစွန့်ပစ်ပြွန်မှာ ဆီးကျန်တာကြောင့် ပိုးဝင်နိုင်ပါတယ်။
🔴 ဆီးကျောက်တည်တာ ၊ ဆီးကြိတ်ကြီးလာတာကြောင့် ဆီးအိတ်ထဲ ဆီးကျန်ပြီး ဘက်တီးရီးယားပိုးတွေ ပေါက်လာတတ်ပါတယ်။
🔴 ကိုယ်ခံအားကျစေတဲ့ ဆီးချိုရောဂါနှင့် အခြားရောဂါများကြောင့် လည်း ဆီးပိုးဝင်တာမျိုးဖြစ်နိုင်ပါတယ်။
❗️ဆီးပိုးမဝင်အောင် ဘယ်လိုကာကွယ်ရမလဲ? ❗️
➡️ အဓိကအားဖြင့် ရေများများသောက်ပါ။ရေသောက်များရင် ဆီးခဏခဏ သွားတဲ့အတွက် ပိုးပေါက် နိုင်ခြေနည်းပါတယ်။
➡️ အိမ်သာသွားပြီးတိုင်း ရှေ့မှ နောက်သို့ သန့်ရှင်းပြုလုပ်ပါ။ စအိုနှင့် မိန်းမကိုယ်၊ ဆီးစွန့်ပစ်ပြွန်တို့ဟာ နီးတဲ့အတွက် ဘက်တီးရီးယားတွေ အလွယ်တကူဝင်ရောက်နိုင်တာကြောင့်ပါ။
➡️ အမျိုးသမီးသန့်စင်သုံးဆေးရည်အသုံးပြုခြင်းကိုလည်း ရှောင်သင့်ပါတယ်။
➡️ Diaphragm အသုံးပြုနေသူတွေ က အခြား သားဆက်ခြားနည်းကို ပြောင်းလဲအသုံးပြုသင့်ပါတယ်။
အကယ်၍ဆီးပိုးဝင်တဲ့ ရောဂါ လက္ခဏာတွေပေါ်လာပါက ကျွမ်းကျင်သော ဆရာဝန်များနှင့် တိုင်ပင်ပြီး ကုသမှုကို ခံယူသင့်ပါတယ်👩⚕️
ဆီးလမ်းကြောင်းဆိုင်ရာရောဂါများအကြောင်း ဆရာဝန်နှင့် ဆွေးနွေးချင်လို့ပဲ ဖြစ်ဖြစ်၊ AMC Teledoc ရဲ့ ကျန်းမာရေးအစီအစဉ်များကို သိရှိချင်လို့ပဲဖြစ်ဖြစ် AMC Teledocရဲ့ Facebook Page Messenger ကနေ အချိန်မရွေးစုံစမ်းမေးမြန်းနိုင်ပါတယ်။
