🫁Lung Cancer(အဆုတ်ကင်ဆာရောဂါ)🫁
အဆုတ်ကင်ဆာ ရောဂါ ဆိုတာ တကမ္ဘာလုံးမှာအဖြစ်အများဆုံးကင်ဆာတွေမှာ ဒုတိယအနေနဲ့လိုက်ပါတယ်။ဆေးလိပ်သောက်ခြင်းကအဆုတ်ကင်ဆာကို အဓိကဖြစ်စေတဲ့အကြောင်းအရင်းဖြစ်ပေမယ့် ဆေးလိပ်လုံးဝမသောက်တဲ့သူတွေမှာလည်း အဆုတ်ကင်ဆာဖြစ်ပွါးတာကိုတွေ့ရှိရပါတယ်။👩⚕️
အဆုတ်ကင်ဆာဖြစ်ပွါးနိုင်ချေဟာ ဆေးလိပ်သောက်ခဲ့တဲ့အချိန်အတိုင်းအတာနှင့် သောက်တဲ့ဆေးလိပ် အရေအတွက်အပေါ်လိုက်ပြီး မူတည်နေပါတယ်။ဒါပေမယ့်ဆေးလိပ်သောက်တာကိုဖြတ်လိုက်တဲ့အချိန်မှာတော့နှစ်ပေါင်းဘယ်လောက်ကြာကြာသောက်ခဲ့ပေမယ့် အဆုတ်ကင်ဆာ ဖြစ်နိုင်ချေကိုသိသိသာသာ လျော့ကျစေတာတွေ့ရပါတယ်။👩⚕️👩⚕️အဆုတ်ကင်ဆာရဲ့ရောဂါလက္ခဏာများကိုလေ့လာရအောင်ပါ။👩⚕️
အများအားဖြင့်အစောပိုင်းအဆင့်တွေမှာတော့ လက္ခဏာပြလေ့မရှိပါဘူး။
ဒီလိုလက္ခဏာတွေပေါ်လာပြီဆိုရင်တော့ သတိထားသင့်ပါတယ်။
➡️ချောင်းဆိုးကြာရှည်နေတာ(ပုံမှန်အားဖြင့် နှစ်ပတ်လောက်ဆို သိသိသာသာ ပျောက်ပေမယ့် တလလောက်ရေရှည်ဆိုးနေတာ)
➡️ချောင်းဆိုးတဲ့အခါ သွေးစနည်းနည်းလေးပါလာတာ
➡️အသက်ရှူရခက်ခဲတာ
➡️ရင်ဘတ်အောင့်တာ
➡️အသံခပ်ရှရှ အက်ကွဲတာ
➡️ရတ်တရက် ကိုယ်အလေးချိန် သိသာစွာကျဆင်းတာ
➡️အရိုးထဲကနာကျင်တာ
➡️ခေါင်းမူး ခေါင်းကိုက်စတာတွေ ဖြစ်တတ်ပါတယ်။
အဆုတ်ကင်ဆာကိုဖြစ်ပွါးစေတဲ့အကြောင်းအရင်းအများထဲက အဓိကအချက်ကတော့ ဆေးလိပ်သောက်ခြင်းပါ။ဆေးလိပ်သောက်တဲ့သူသာမက Secondhand smokers လိုခေါ်တဲ့အငွေ့ ရှူမိသူတွေဆီမှာပါ အဆုတ်ကင်ဆာ ဖြစ်ပွါးတတ်ပါတယ်။🩺
ဆေးလိပ်သောက်လိုက်တဲ့အခါ ကင်ဆာရောဂါကိုဖြစ်ပွါးစေတဲ့ carcinogenic substances တွေဟာ အဆုတ်ကိုဝိုင်းရံထားတဲ့တစ်သျှူးတွေကို ပျက်စီးစေပါတယ်။🫁အချိန်ကာလတခုအထိ ခန္ဓာကိုယ်ရဲ့ ကိုယ်ခံအားစနစ်က ပြန်ပြုပြင်ပေးနိုင်ပေမယ့် ကြိမ်ဖန်များစွာ တိုက်စားပျက်စီး လာတဲ့အခါ ပြန်ပြင်လိုမရတော့ပဲ ကင်ဆာ ဆဲလ်တွေအဖြစ်ပြောင်းလဲသွားပါတော့တယ်။🩺👩⚕️
🔴အဆုတ်ကင်ဆာဖြစ်ပွါးမှုကိုမြင့်တက်စေတဲ့အခြားအချက်တွေလဲရှိပါသေးတယ်။🔴
➡️ဓာတ်ရောင်ခြည်ကုထုံးများ- အဆုတ်ကင်ဆာကဲ့သို အခြားကင်ဆာအမျိုးအစားများအတွက် ရင်ဘတ်ကို ဓာတ်ရောင်ခြည်ပေးပြီးကုသရတဲ့အခါ အဆုတ်ကင်ဆာဖြစ်ပွါးမှုမြင့်တက်လာပါတယ်။
➡️Radon ဓာတ်ငွေ့နှင့်ထိတွေ့ခြင်း- မြေကြီး ၊ကျောက် နှင့် ရေ မှာပါဝင် တဲ့ Uranium ဓာတ် ပြိုကွဲတဲ့အခါ ထွက်လာတဲ့ radon ဓာတ်ငွေ့ဟာ လေထဲကိုပျံ့လွင့်လာရင် အဆုတ်ကင်ဆာ ဖြစ်စေတတ်ပါတယ်။
➡️Asbestos နှင့်အခြား carcinogenic ပစ္စည်းများနှင့်ထိတွေ့ခြင်း
➡️Arsenic , chromium နှင့် nickel များတဲ့ အလုပ် နေရာများမှာ အလုပ်လုပ်ခြင်း
➡️မသားစုမျိုးရိုးထဲမှာ အဆုတ်ကင်ဆာရောဂါဖြစ်ဖူးသူရှိခြင်း
🔴နောက်ဆက်တွဲ ရောဂါဆိုးကျိုးများအနေနှင့်🔴
➡️အသက်ရှူရခက်ခဲလာခြင်း ( ကင်ဆာကြောင့်ထွက်လာတဲ့အရည်တွေက အဆုတ်မှာစုပုံလာခြင်းကြောင့် အသက်ရှုရပိုခက်လာတာ)
➡️သေးအန်ခြင်း
➡️အဆုတ်နေရာသာမက တကိုယ်လုံးကအရိုးတွေမှာနာကျင်ခြင်း
➡️Pleural effusion လိုခေါ်တဲ့ အဆုတ်အမြှေးပါးမှာအရည်တွေစုပုံလာခြင်း
➡️ဦးနှောက်နှင့် အရိုးကဲ့သိုအခြား ခန္ဓာကိုယ်အစိတ်အပိုင်းများသိုပျံ့နှံသွားခြင်းများ ရှိတတ်ပါတယ်။
👩⚕️အဆုတ်ကင်ဆာရောဂါမဖြစ်အောင်ကြိုတင်ကာကွယ်နိုင်ပါသလား။👩⚕️
🚫ဆေးလိပ်သောက်ခြင်းမှ ရှောင်ကြဉ်ပါ။
🚫နစ်ပေါင်းများစွာကြာအောင်သောက်ခဲ့ရင် ဆေးလိပ်ဖြတ်ဖိုကြိုးစားကြည့်ပါ။
🚫ဆေးလိပ်သောက်သူများပြားတဲ့နေရာတွေ ကိုရှောင်ကြဉ်သင့်ပါတယ်။
🚫carcinogenic ကင်ဆာဖြစ်စေတဲ့ ပစ္စည်းတွေနဲ့ထိတွေ့နေရတဲ့အလုပ်နေရာဖြစ်မယ်ဆိုရင် mask တပ်သင့်ပါတယ်။
🚫ဟင်းသီးဟင်းရွက်နှင့် အသီးအနှံတွေကိုများများ စားသုံးပါ။
🚫ကျန်းမာကြံ့ခိုင်စေဖို တပတ်မှာ၃ ရက် မှ ၄ရက် ခန့် လေ့ကျင့်ခန်းပုံမှန်ပြုလုပ်ပေးသင့်ပါတယ်။
ကျန်းမာရေးနှင့် ပတ်သက်ပြီး မေးမြန်းချင်လိုပဲဖြစ်ဖြစ်၊ ကျန်းမာရေးစောင့်ရှောက်မှု မန်ဘာအစီအစဥ်နဲ့ AMC TeleDocရဲ့ ဝန်ဆောင်မှုများအကြောင်းကို အသေးစိတ်သိရှိလိုပါက AMC TeleDoc Facebook Page ကနေတဆင့်ဆက်သွယ်စုံစမ်းမေးမြန်းနိုင်ပါတယ်။❤️
အားလုံးပဲ ကျန်းမာပျော်ရွှင်တဲ့ နေ့ရက်လေးတွေ ပိုင်ဆိုင်နိုင်ကြပါစေ။❤️
