ကိုယ်ဝန်ဆောင်မိခင်များ နှင့် ကိုယ်လက်လေ့ကျင့်ခန်းမျာ

ကိုယ်ဝန်ဆောင်မိခင်များနှင့်ကိုယ်လက်လေ့ကျင့်ခန်းများ

မိခင်များအတွက် ကိုယ်ဝန်ဆောင်ကာလမှာ စိတ်ကျန်းမာဖိုသာမက ခန္ဓာကိုယ်ကျန်းမာစေဖိုဟာလည်း အရေးကြီးပါတယ်။ကိုယ်လက်လေ့ကျင့်ခန်းကိုပုံမှန်ပြုလုပ်နေကျ မေမေတိုအတွက် ကွာခြားမှုသိပ်မရှိပေမယ့် ပုံမှန်ပြုလုပ်နေကျမဟုတ်ရင် ကြွက်သားနာကျင်တာ၊ ခန္ဓာကိုယ်လေးလံတာ မျိုးခံစားရနိုင်ပါတယ်။

ဘယ်လိုအားကစား လေ့ကျင့်ခန်းတွေဟာ ကိုယ်ဝန်ဆောင်မိခင်တိုအတွက် အန္တရာယ်ကင်းစေပါသလဲ?

လမ်းလျှောက်ခြင်း

လမ်းကို ခပ်သွက်သွက်ကလေးလျှောက်ပေးတာဟာ အရိုးနှင့်ကြွက်သားများနာကျင်ခြင်းကိုကာကွယ်ပေးပါတယ်။ကိုယ်ဝန်ဆောင်မိခင်ဟာ ကိုယ်လက်လှုပ်ရှားမှုကိုပုံမှန်ပြုလုပ်နေကျမရှိရင်ယခုလို လမ်းလျှောက်ပေးခြင်းကို ပြုလုပ်သင့်ပါတယ်။

ရေကူးခြင်းနှင့်ရေထဲတွင်ဆော့ကစားနိုင်သော လေ့ကျင့်ခန်းများပြုလုပ်ခြင်း

ရေရဲ့ဂုဏ်သတ္တိကြောင့် ဗိုက်ထဲရှိ ကလေးရဲ့အလေးချိန်ကိုအထောက်အပံ့ပေးနိုင်ပြီးရေထဲတွင်ကူးခတ်ခြင်းဟာ နှလုံးကျန်းမာရေးကိုကောင်းမွန်စေပါတယ်။ အခြားလေ့ကျင့်ခန်းတွေကိုပြုလုပ်တဲ့အခါ ခါးနာခြင်းကို ခံစားရပါက ရေကူးခြင်းကိုရွေးချယ်နိုင်ပါတယ်။

Stationary bike စီးခြင်း

ပုံမှန်စက်ဘီးကိုစီးခြင်းထက် အားကစားပြုလုပ်တဲ့အခါ စီးတဲ့ stationary bike ဟာ လိမ့်ကျ၊ချော်ကျခြင်းကိုအဖြစ်နည်းစေပါတယ်။ ကိုယ်ဝန်အရွယ်အစားကြီးလာတဲ့အခါမှာတောင် စီးလိုရတဲ့အတွက် အန္တရာယ်ကင်းတဲ့ လေ့ကျင့်ခန်းပြုလုပ်ခြင်းဖြစ်ပါတယ်။

ယောဂနှင့် pilates ကစားခြင်း

ကိုယ်ဝန်ဆောင်မိခင်များအနေနှင့်သွေးလှည့်ပတ်မှုကောင်းအောင် ယောဂကစားခြင်းနှင့် pilates ကစားခြင်းကိုလုပ်ဆောင်သင့်ပါတယ်။

ပြင်းထန်မှုမရှိတဲ့အေရိုးဗစ်ကစားနည်းများကိုကစားခြင်း

ကြွက်သားနှင့်အရိုးများကြံ့ခိုင်ရေးအတွက် လေ့ကျင့်ခန်းများကိုပြုလုပ်ပေးသင့်ပါတယ်။

အကယ်၍ အောက်ပါ လက္ခဏာများကို ခံစားရပါက ကျွမ်းကျင်တဲ့ဆရာဝန်များနှင့်တိုင်ပင်၍ ကုသမှုကို ခံယူဖိုလိုအပ်ပါတယ်။

မိန်းမကိုယ်မှ ပုံမှန်မဟုတ်ပဲ သွေးဆင်းတာ

ရင်ဘတ်အောင့်တာ၊အသက်ရှူရအလွန်ခက်ခဲတာ

နှလုံးခုန်နှုန်းအလွန်မြန်လာတာ

မူးဝေပြီးသတိလစ်အထိဖြစ်တာ

ခေါင်းကိုက်တာ

ကြွက်သားအလွန်အမင်းနာကျင်တာ

လမ်းလျှောက်ရခက်တာ

ခြေထောက်အောက်ပိုင်းမှာနာကျင်တာ၊ ဖောပြီးရောင်လာတာ တိုကိုသတိပြုပေးဖိုလိုအပ်ပါတယ်။

ကိုယ်ဝန်ဆောင်မိခင်များရဲ့ ကျန်းမာရေး နဲ့ ပတ်သက်ပြီး ဆရာဝန် နဲ့ ဆွေးနွေးချင်လို ဖြစ်ဖြစ်၊ ကျန်းမာရေး ဆောင်းပါးတွေ ဖတ်ရှူချင်လိုပဲ ဖြစ်ဖြစ်ကျန်းမာရေး အစီအစဉ်တွေကို သိရှိချင်လိုရင် AMC Teledoc ရဲ့ Facebook Page မှ တဆင့် အချိန်မရွေး စုံစမ်းမေးမြန်းနိုင်ပါတယ်။