🚨ဝက်ခြံ အဆီဖု များအကြောင်း 🚨
👩⚕️ဝက်ခြံဘယ်လိုကြောင့်ဖြစ်လာတာလဲ ?👩⚕️
ဝက်ခြံပေါက်တယ်ဆိုတာ အရွယ်ရောက် ကျား/မ မရွေးခံစားရတဲ့ မျက်နှာအခြေအနေတစ်ခုပဲဖြစ်ပါတယ်။ ဝက်ခြံဆိုတာ မျက်နှာအရေပြားပေါ်မှာရှိတဲ့ ချွေးပေါက်လေးတွေထဲမှာ အဆီ ဒါမှမဟုတ် အမှုန် စတာတွေ ဝင်နေ ပိတ်နေတာကနေတဆင့် ဖြစ်လာတတ်ပါတယ်။ အဆီပြန်လွယ်တဲ့မျက်နှာတွေမှာ သန့်ရှင်းရေးသေချာမလုပ်တတ်တာ သေချာမထိန်းသိမ်းတတ်တာကနေတဆင့် အဆီဖုလေးတွေ ထွက်လာ / အဆိုပါ အဆီဖုလေးတွေကတဆင့် လက်နှင့် ညစ်တာ ဖိတာ ကနေ ပိုးဝင် ရောင်ရမ်းပြီး ဝက်ခြံဖုတွေဖြစ်လာတတ်ပါတယ်။ ဖြစ်တဲ့ ဝက်ခြံရောင်ရမ်းမှု ပိုးဝင်မှုတွေပေါ်မူတည်ပြီး အမာရွတ်ကျန်တတ်ပါတယ်။👩⚕️
🚨ဘာတွေ့ကြောင့်ဝက်ခြံတွေဖြစ်လာနိုင်တာလဲ ?🚨
➡️အဆီပြန်လွယ်တဲ့ မျက်နှာအခြေအနေ
မိမိမျက်နှာသည် အဆီပြန်လွယ်တဲ့ အရေပြားအမျိုးအစားဖြစ်တယ်ဆိုရင် မျက်နှာ သန့်ရှင်းရေးကိုသေချာ ဂရုစိုက်ပြီး ပြုလုပ်သင့်ပါတယ် ။ double cleansing နည်းနဲ့မျက်နှာသန့်ရှင်းတာ မိမိနဲ့သင့်တော်မယ့် မျက်နှာသစ်ဆပ်ပြာ မိတ်ကပ် မျက်နှာ moisturizer တွေကိုသေချာလေ့လာပြီး သုံးစွဲသင့်ပါတယ်။ 💆♀️
➡️အဆီဖုတွေကို ညစ်ခြင်းကနေတဆင့် ပိုးဝင်ပြီး ဝက်ခြံအနာဖြစ်လာရခြင်း
အဆီဖုလေးတွေဖြစ်လာရင် လက်နဲ့ညစ်တာ ခဏခဏ မသန့်ရှင်းတဲ့လက်နဲ့ထိတွေ့တာမျိုးမလုပ်ပဲ အဆီဖုဖြစ်တာအတွက် ထိရောက်တဲ့ မျက်နှာလိမ်းဆေး မျက်နှာသစ်ဆေးကို သေချာသုံးစွဲပါ ။ အဆီဖုတွေကို လက်နဲ့ညစ်မိတာကြောင့် အဆိုပါ အဆီဖုကနေ ပိုးဝင် ရောင်ရမ်းပြီး ပျောက်ကင်းဖို အချိန်ကြာတတ်တာမျိုး ဖြစ်တတ်ပါတယ်။👩⚕️
➡️မိမိ မျက်နှာကို ဖုန်ထူ တဲ့နေရာ နေရောင်ခြည်ဒဏ်ကနေ သေချာမကာကွယ်မိခြင်း
မိမိနေ့စဉ် သွားလာ လုပ်ကိုင်ရတဲ့ နေရာ ခရီး သည် ဖုန်ထူတာ ဖုန်မှုန့်များတဲ့နေရာဖြစ်တယ်ဆိုရင် မျက်နှာကို အကာအကွယ်နဲ့ အုပ်တာ ကာကွယ်တာမျိုးလိုအပ်ပါတယ်။ နေ့စဉ်အပြင်ထွက်ပါကလည်း sun cream သေချာလိမ်းပေးဖိုလိုပါတယ်။🧴
➡️ဟော်မုန်း အပြောင်းအလဲကြောင့် ဝက်ခြံပေါက်ခြင်း🚨
ဝက်ခြံဆိုတာ ဟော်မုန်းအပြောင်းအလဲစတဲ့ လူငယ် teenager အရွယ်မှာပိုအဖြစ်များပါတယ်။
➡️မိမိစားသုံးတဲ့ အစားအစာတွေကြောင့် ဝက်ခြံပေါက်ခြင်း🍔
အစားအသောက်တွေထဲမှာ အဆီဓာတ် အငန်ဓာတ် များတာတွေက ဝက်ခြံကိုပိုဖြစ်စေနိုင်ပါတယ်။🌯
➡️စိတ်ဖိစီးမှုတွေကြောင့် ဝက်ခြံပေါက်ခြင်း 👩⚕️
အိပ်ချိန်မမှန်တာကြောင့်လည်း ဝက်ခြံဖြစ်လာနိုင်ပါတယ်။
➡️မျက်နှာနဲ့ထိတွေ့ရတဲ့ ပစ္စည်းတွေ သန့်ရှင်းမှုမရှိတာကြောင့် ဝက်ခြံပေါက်ရခြင်း🧼
( ခေါင်းအုံး , သဘက် , ဖုန်း ) စတာတွေကြောင့် ဝက်ခြံတွေဖြစ်လာနိုင်ပါတယ်။
👩⚕️ဝက်ခြံပေါက်ရင်ဘယ်လို အရင်ကုသရမလဲ?👩⚕️
အဓိက သည် ဝက်ခြံကို လက်နှင့်ကုတ်တာ လက်နှင့်ညစ်တာ မသန့်ရှင်းတဲ့ အပ်နှင့်ဖောက်တာ မျိုးကို ရှောင်ရပါမယ်။ ရောင်ရမ်းနေတဲ့နေရာကို ရေခဲ နှင့်ထိတွေ့ပေးပြီး အရောင်သက်သာအောင် အရင်လုပ်နိုင်ပါတယ်။ မိမိ၏ ခေါင်းအုံး မွေ့ယာ အိပ်ခင်း စတာတွေကို သေချာသန့်ရှင်းရေးပုံမှန်လုပ်ပါ။ မိမိဘာသာ ပိုးသတ်ဆေးကို စတင်သောက်သုံးတာမျိုး မလုပ်ပဲဆရာဝန်နဲ့သေချာတိုင်ပင်ပြီး ကုသပါ ။
အရေပြားကျန်းမာရေး နဲ့ ပတ်သက်ပြီး ဆရာဝန် နဲ့ ဆွေးနွေးချင်လို ဖြစ်ဖြစ်၊ ကျန်းမာရေး ဆောင်းပါးတွေ ဖတ်ရှူချင်လိုပဲ ဖြစ်ဖြစ် AMC Teledoc ကို Download လုပ်ထားဖို လိုမယ်နော်။📱
ကျန်းမာရေး အစီအစဉ်တွေကို သိရှိချင်လိုရင် AMC Teledoc ရဲ့ Facebook Page မှ တဆင့် အချိန်မရွေး စုံစမ်းမေးမြန်းနိုင်ပါတယ်။😍
